في مرّة، قاللي صاحب ما بشوفو كتير: "مجد، عندك كتير ناس بتحبك، عيش" ، كان صعب أفهم الجملة، وسبب عدم فهمي لهذه الجملة هو عدم تحديدي معنى واضح لمفهوم "بتحبك".
اليوم، رجعت لمدونتي بشكل جديد، ما حبيت أبداً أرجع مجد إلّي بينشر أشياء موجودة أثرت في، رجعت لأنشر أحداث يومية صارت معي وبتصير بشكل مستمر.
الأصدقاء...
الصديق، هو الشخص إلّي لما تحس الدنيا إسودّت بوجهك بتفكر فيه كمنقذ، هو البني آدم إلّي لما تكون وحيد بيجي بيمليلك حياتك، مش الصديق الموجود ومش موجود.
أنا من الناس إلي بيعملوا كل شي وهمن بيحضروا تلفزيون، وكنت بشوف برنامج نوّرت، وقال فيه ممثل لبناني بيت شعر عن موضوعنا:
ما رَح أعطي تعريفات للصديق، لإنو جميعنا من خلال تجاربنا عرفنا مين الصديق، وكل حدن فينا رَح يعرّف هالكلمة حسب ما بيحب يكون صديقه، ما عم بتفلسف، إنما أنا وصلت لقناعة تامة بإنو أشكال فن Ven Charts صارت تعبر عن حياتنا، كيف ؟
تخيل حياتك دائرة، كل شي موجود داخلها هو تفكيرك، وتخيل صديقك دائرة وبينكم تقاطع، منطقة تقاطعك معه رَح تبين شو صداقتكم، شو معنى صداقة بينكم، وكيف كل حدن فينا إلو تعريف فريد لكل المفاهيم.
ع فكرة...أنا مش ع بالي أكتب، بس من هموم الحياة إلي على أثرها صرنا نعبر عن مشاعرنا ع الفيسبوك، خلاني أرجع للمدونة، وبطريقة كيف أنا كنت أعبر ع الفيسبوك، لما كنت أكتب ما كان همّي أوصل للناس إيش بفكر، كان همّي "أفضفض" يعني أبوح بشو بحس، تأريح نفسي من إني مقهور.
ع سيرة مقهور، قهري اليوم إني عارف البني آدم إلّي جرحني، لكني من شدة احتياجي من كافة النواحي للناس بحياتي، تركتله مجال يحسب إني زعلت منو، هو دايما كان يستخدم عبارة زعلت عليك، اليوم فهمت كيف يعني منزعل على البني آدم مش منزعل منو، وهاد الشي بيزكرني بأغنية: "أنا مش عم بزعل عليك، عم بزعل عَ الماضي..." وبالمناسبة، أنا من الناس إلّي ما بيحبوا جورج وسوف، لكن فعلاً، لما تكون مقهور بتتريح لما تسمع أغانيه.
آخر شي بدي أحكيه، إنو تألموا بصمت، فكروا بصمت، نفذوا بصمت، هاد موضوعنا الجايّ
أديه مقهور بس عايش :)
اين انت يا صديق من زمن؟؟
ردحذف